Amérikining teywen'ge munasiwetlik ikki parche qararnamisi xitayni bi'aram qildi

Muxbirimiz irade
2018-01-11
Élxet
Pikir
Share
Print

Amérika awam palatasining teywen bilen alaqini kücheytishke munasiwetlik ikki qanun layihisini maqullishi xitayni qattiq narazi qildi. Roytérz agéntliqining xewer qilishiche, amérika awam palatasi tashqi ishlar komitéti seyshenbe küni teywen bilen amérika otturisidiki bardi - keldini küchlendürüshni meqset qilghan "Teywen sayahet qararnamisi" bilen teywenning dunya sehiye teshkilatigha ezaliqini qollaydighan qararnamini maqullighan.

Bügün xitay tashqi ishlar ministirliqining bayanatchisi lü kang amérikining qarargha naraziliq bildürgen. U buni "Bir xitay siyasiti" ge xilap, dep körsitish bilen birge, amérikini teywendiki musteqilchi küchlerge "Xata signal" bermeslik heqqide agahlandurghan.

Emma, teywen terep amérikining qararini qarshi alghan. Teywen tashqi ishlar ministirliqining bayanatchisi andru li amérika imzalighan yuqiriqi qararnamilerning ikki terep munasiwetlirining tereqqiyatigha paydiliqliqini bildürgen. U sözide yene, xitay hökümitining naraziliq inkasiningmu özlirini heyran qaldurmighanliqini eskertip, "Biz tashqi küchlerning ishimizgha arilishishi bilenla bu jehettiki tirishchanliqlirimizni toxtitip qoymaymiz," dep jawab bergen.

Amérika prézidénti donald tramp ötken yili prézidéntliq saylimida ghelibe qilghanda teywen prézidénti sey yingwénning tebrik téléfonini qobul qilghan idi. Xitay eyni chaghdimu bu weqeni eyibligen.

Toluq bet