Prézidént trampning teywen sayahet qanunigha imza qoyushi xitayni qattiq bi'aram qildi

Muxbirimiz erkin
2018-03-19
Élxet
Pikir
Share
Print

Amérika prézidénti donald trampning "Teywen ziyaret qanuni" gha imza qoyup, amérika we teywen hökümet emeldarlirining öz ara ziyaret qilishigha yol échip bérishi xitay da'irilirini qattiq bi'aram qildi.

Amérika awam palatasi yéqinda maqullighan "Teywen ziyaret qanuni" shenbe kündin bashlap resmiy ijra qilinishqa bashlighan. Uningdin bir kün awwal prézidént tramp mezkur qanun layihesige imza qoyghan idi.

"Teywen ziyaret qanuni" da amérika we teywen hökümet emeldarlirining öz'ara bir-birini ziyaret qilishigha qaritilghan cheklime bikar qilin'ghan bolup, bu qanun ikki terepning 1979‏‏-yildin béri üzülüp qalghan biwasite alaqisining eslige kélishining yolini échip béridu.

Amérika 1979‏-yili xitay bilen diplomatik munasiwet ornatqandin kéyin, teywen bilen bolghan resmiy alaqisini üzüp, ikki terep hökümetlirining resmiy alaqe qilishini chekligen idi. Xitay tashqi ishlar ministirliqi bayanatchisi lu kang shenbe küni bayanat élan qilip, amérikining teywen bilen bolghan herqandaq hökümet alaqisini toxtitishini telep qilghan. Lékin mezkur qanun teywen terepning alqishigha érishken.

U bayanatida "Biz amérikining xataliqini tüzitip, teywen bilen bolghan her qandaq hökümet alaqisini yaki uning bilen hazirqi alaqisini kéngeytishini toxtitishqa chaqirimiz" dégen. Lékin amérikining qarari teywen terepning alqishigha érishken.

Birleshme agéntliqining xewer qilishiche, teywen tashqi ishlar ministirliqi mezkur qanun layihisini "Dostane heriket" dep körsitip, amérika bilen bolghan barliq sahelerdiki hemkarliqni chongqurlashturidighanliqini bildürgen.

Mezkur qanun layihesi xitayning herbiy xam chotni köpeytip, teywen'ge bolghan bésimni kücheytiwatqan, teywen prézidénti sey yingwénni "Teywen xitayning bir qismi" dep étirap qilishqa qistawatqan mezgilde chiqirildi.

Toluq bet