Amérika awam palatasi diplomatiye komitéti rehbiri teywenni ziyaret qilidu

Muxbirimiz ümidwar
2018-03-25
Élxet
Pikir
Share
Print

Amérika dölet mejlisining 80 neper awam palata ezasi imzalighan "Teywen ziyaret qanuni" xitayning naraziliqini qozghawatqan, shuningdek amérika bilen xitay arisidiki "Soda urushi" mesilisi küchiyiwatqan bir peytte amérika dölet mejlisi awam palatasi diplomatiye komitétining re'isi éd roysé bu hepte teywenni ziyaret qilidiken.

Amérika awazining bu heqtiki xewiridin melum bolushiche, éd roysé mezkur ziyaritide teywen prézidénti sey yingwén bilen körüshidiken hemde u teywenning diplomatiye sherep médalini tapshuruwalidiken. 

Melum bolushiche, éd roysé ependi del ashu "Teywen ziyaret qanuni" aktip qollighuchilardin biri bolup, u teywenliklerge teywenning özide amérikigha kirish resmiyetlirini béjirish hoquqi bérilishini teshebbus qilidiken.

Prézidént tramp teripidin imzalan'ghan "Teywen ziyaret qanuni" da amérika we teywen hökümet emeldarlirining öz'ara bir-birini ziyaret qilishigha qaritilghan cheklime bikar qilin'ghan bolup, bu qanun ikki terepning 1979‏‏-yildin béri üzülüp qalghan biwasite alaqisining eslige kélishining yolini échip béridiken. Xitay tashqi ishlar ministirliqi aldinqi hepte bayanat élan qilip, amérikining teywen bilen bolghan herqandaq hökümet alaqisini toxtitishini telep qilghan. Lékin mezkur qanun teywen terepning alqishigha érishken idi.

Toluq bet