Amérika, teywende yéngi sélin'ghan gheyriy resmiy elchixana binasining échilish murasimini qildi

Muxbirimiz irade
2018-06-12
Élxet
Pikir
Share
Print

Amérika teywendiki gheyriy resmiy elchixanaliq rolini oynap kelgen "Teywen amérika instituti" binasini yéngilap ishqa kirishtürgen.

Roytérs agéntliqining xewer qilishiche, 256 milyon dollar serp qilinip, teybéy shehirining néyxu rayonidiki 6 yérim géktarliq yerge orunlashqan bu yéngi bina amérikaning teywen bilen bolghan istratégiyelik munasiwetlirige ehmiyet bériwatqanliqini namayan qilidiken.

Amérika teywen bilen gerche 1079-yili déplomatik alaqilirini üzgen bolsimu, emma teywenning eng zor shériki bolushni dawam qilghan we teywen bilen bolghan istratégiyelik alaqilirini "Teywen amérika instituti" arqiliq dawamlashturghan iken.

Teywen prézidénti sey yingwén qurulushning échilish murasimida qilghan sözide, bu yéngi binani ikki terepning öz-ara alaqilirini kücheytish arzusining namayendisi, dep körsetken we amérika-teywen dostluqining héchqachan hazirqidek küchlük bolup baqmighanliqini éytqan.

Amérika dölet ishliri ministirliqining pen-medeniyetke mes'ul mu'awin ministiri mariy roys mezkur binaning échilish murasimigha biwaste qatnashqan. U amérika-teywen munasiwetliri nurghun riqabetlerge duch kelsimu, emma démokratiyege bolghan eqidining bu tosaqlardin ötüsh üchün yol bashlamchi bolghanliqini bildürgen.

Xitay hökümiti amérikaning teywendiki bu yéngi gheyriy resmiy diplomatiye binasigha we yuqiri derijilik emeldarning teywenni ziyaret qilishigha qattiq naraziliq bildürgen. Xitay tashqi ishlar ministirliki bayanatchisi géng shu'ang bu heqtiki bayanatida amérikini "Bir xitay" siyasitide ching turup, xataliqidin derhal qaytishqa chaqirghan.

Melum bolushiche, mezkur bina bu yil yaz peslining axiridin bashlap resmiy halda "Wekil ishxanisi" süptide xizmetke chüshidighan bolup, uning échilish murasimigha teywendiki nurghun yuqiri derijilik emeldarlar we teywenning muhim soda erbabliri qatnashqan.

Toluq bet