Amérika kéngesh palatasi amérika herbiy paraxotlirining teywende toxtitishigha yol qoyush qanuni maqullidi

Muxbirimiz erkin
2017.06.29

Amérika kéngesh palatasining herbiy ishlar komitéti qanun layihesini awazgha qoyup, amérika herbiy paraxotlirining teywende toxtap ötüshige yol qoyushni qarar qilghan.

28‏-Iyun maqullan'ghan qanunda, amérika déngiz armiyesining teywenning gawshyong we bashqa muwapiq déngiz portlirida toxtap ötüshi we amérika tinch okyan qomandanliq shtabining teywende toxtap ötüshni iltimas qilishigha ruxset bérilgen.

Amérika “Wal strét zhurnal” gézitining peyshenbe küni xewer qilishiche, kéngesh palatasining qarari amérikining teywen'ge qaratqan siyasitidiki zor özgirish bolup, bu uning “Bir xitay” wedisidin yan'ghanliqidin dérek béridiken.

Kéngesh palatasining qarari derhal xitayning naraziliqini qozghighan bolsimu, biraq teywenning qarshi élishigha érishken.

“Wal strét zhurnal” gézitining qeyt qilishiche, peyshenbe küni xitay tashqi ishlar ministirliqi bayanatchisi lu kang, “Biz teywen'ge alaqidar bu qanundin qattiq endishe qilidighanliqimizni bildürimiz.... Teywen mesilisi xitayning igilik hoquq we zémin pütünlükige alaqidar mesile” dégen.

Biraq teywen dölet mudapi'e ministirliqi bayanatchisi wu chüen, kéngesh palatasining qararida “Teywen-amérika herbiy alaqisining muhimliqi tekitlen'genlikini qarshi alimiz we unidin ümidwar ikenlikimizni bildürimiz” dégen.

“Wal strét zhurnal géziti” ning ilgiri sürüshiche, eger bu qanun awam palatasida maqullinip, prézidént tramp imza qoysa, bu amérikining 1979‏-yili teywen bilen bolghan diplomatik munasiwitini üzüp, béyjingni “Bir xitay” ning birdin-bir hökümiti, dep étirap qilghan 40 yilliq diplomatik siyasitidiki zor özgirish bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.