Америка һөкүмитиниң тәйвәнгә қорал сетип бериш пилани хитайни бәкла биарам қилди

Мухбиримиз әзиз
2019-07-11
Елхәт
Пикир
Share
Принт

Америка һөкүмити йеқинда тәйвәнгә икки милярд америка доллиридин көпрәк қиммәттики һәрбий қорал сетип беришни тәстиқлиған болуп, анализчилар буни хитай һөкүмитиниң «таҗавузкар ташқи сияситигә қайтурулған бир инкас», дәп қаримақта икән.

«Дөләт мәнпәәти» ториниң 10-июлдики хәвиригә қариғанда, бу қетим сетип берилмәкчи болған асаслиқ қорал м-1а2т типлиқ танка вә башқа еғир тиранспорт машинилири болидикән. Бу қоралларни сетивелиш басқучи ахирлашқанда тәйвән қуруқлуқ армийәсиниң уруш қилиш иқтидарини ашурушқа зор дәриҗидә пайдилиқ болиду, дәп қаралмақта икән.

Хәвәрләрдин мәлум болушичә, хитай тәрәп буниңдин бәкму пәришан болған. Хитай ташқи ишлар министирлиқиниң баянатчиси гең шуаң бу һәқтә сөз қилип: «биз буниңға қәтий қарши. Шүбһисизки, бу қетимқи қорал сетип бериш һәрикити толиму зиянлиқ» дегән. Әмма тәйвән президенти сәй йиңвен бу қетимқи қорал содисидин бәкму мәмнун икәнликини билдүргән.

Мәлум болушичә, бу қетимқи сода келишимидә бу хилдики танкидин 100 даниси болуп, һәр бириниң баһаси бәш милйон америка доллири икән.

Пикирләр (0)
Share
Толуқ бәт