Amérika hökümitining teywen'ge qoral sétip bérish pilani xitayni bekla bi'aram qildi

Muxbirimiz eziz
2019-07-11
Élxet
Pikir
Share
Print

Amérika hökümiti yéqinda teywen'ge ikki milyard amérika dolliridin köprek qimmettiki herbiy qoral sétip bérishni testiqlighan bolup, analizchilar buni xitay hökümitining "Tajawuzkar tashqi siyasitige qayturulghan bir inkas", dep qarimaqta iken.

"Dölet menpe'eti" torining 10-iyuldiki xewirige qarighanda, bu qétim sétip bérilmekchi bolghan asasliq qoral m-1a2t tipliq tanka we bashqa éghir tiransport mashiniliri bolidiken. Bu qorallarni sétiwélish basquchi axirlashqanda teywen quruqluq armiyesining urush qilish iqtidarini ashurushqa zor derijide paydiliq bolidu, dep qaralmaqta iken.

Xewerlerdin melum bolushiche, xitay terep buningdin bekmu perishan bolghan. Xitay tashqi ishlar ministirliqining bayanatchisi géng shu'ang bu heqte söz qilip: "Biz buninggha qet'iy qarshi. Shübhisizki, bu qétimqi qoral sétip bérish herikiti tolimu ziyanliq" dégen. Emma teywen prézidénti sey yingwén bu qétimqi qoral sodisidin bekmu memnun ikenlikini bildürgen.

Melum bolushiche, bu qétimqi soda kélishimide bu xildiki tankidin 100 danisi bolup, her birining bahasi besh milyon amérika dolliri iken.

Toluq bet