Amérikining teywen'ge qoral - yaraq satmaqchi bolghanliqi xitayni narazi qilghan

Muxbirimiz eziz
2015-12-16
Share


Birleshme agéntliqning xewirige qarighanda, amérika hökümiti teywen'ge bir milyard 800 milyon dollarliq qoral - yaraq sétip bermekchi bolghanliqini jakarlighandin kéyin xitay hökümiti buninggha qattiq naraziliq bildürgen, shundaqla amérika hökümitidin bu xil qararni emeldin qaldurushni telep qilghan.

Réytérs agéntliqining xewer qilishiche, seyshenbe küni xitay tashqi ishlar ministirliqi amérikining bu herikitini "Xitayning ichki ishigha arilashqanliq" dep eyibligen. 16 - Dékabir küni xitayning teywen ishliri ishxanisining bayanatchisi ma shyawgu'ang yuqiriqigha oxshap kétidighan mezmunda bayanat élan qilip, "Biz herqandaq döletning herqandaq bahane - seweb arqiliq teywen bilen herqandaq shekildiki qoral - yaraq yaki herbiy téxnika sodisi qilishigha qarshi turimiz" dégen.

Amérika tashqi ishlar ministirliqi bayanatchisi dawid mkéby buninggha jawaben, amérikining izchil türde "Bir xitay siyasiti" boyiche ish körüwatqanliqini, jem'iy 12 milyard dollarliq qoral - yaraq sodisi kélishimining teywenning xitay bilen qarshilishishini emes, belki teywenning rayon bixeterliki hemde mudapi'e éhtiyajini meqset qilghanliqini bildürgen.

Bu, amérika 2011 - yili teywen'ge 5.9 Milyard dollarliq qoral yaraq sétip bergendin kéyinki ikkinchi qétimliq qoral sodisi iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet