Chawush oghli amérika bilen türkiyening islam dölitige qarshi herbiy heriket bashlaydighanliqini bildürdi

Muxbirimiz méhriban
2015-08-26
Share


24 - Awghust, düshenbe küni türkiye tashqi ishlar ministiri mewlut chawush oghli roytérs agéntliqining ziyaritini qobul qilip, washin'giton bilen enqerening pat arida shimaliy süriyediki chégra nuqtilarda islam dölitige qarshi omumyüzlük hawa herbiy herikiti élip baridighanliqini bildürgen.

Roytérsning xewer qilishiche, chawush oghli washin'gton bilen enqerening söhbitide yekshenbe küni heriket pilanlirining tepsilatliri békitilgenlikini bildürgen. U:"Téxnika söhbiti tünügün xulasilandi, biz pat arida bu heriketni bashlaymiz,yeni islam dölitige qarshi omumiy heriketni bashlaymiz" dégen.

Amérika dölet mudapi'e ministirliki bayanatchisi amérika we türkiye herbiy emeldarlirining yekshenbe küni söhbet ötküzüp, türkiye küreshchi ayroplanlirining islam dölitige qarshi hawa hujumlirigha qatnishishigha a'it taktika tepsilatliri heqqide söhbetler bolghanliqini ilgiri sürgen.

Amérikining déngiz armiye kapitani jéf deywis bu heqte toxtilip: "Biz türkiyening yéqin arida birleshme hawa herbiy heriket merkizige qedem teshrip qilishini kütmektimiz", dégen

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet