Америка һөкүмити үндидар вә тик-токни чәклиди

Мухбиримиз әзиз
2020-09-18
Елхәт
Пикир
Share
Принт

Йеқиндин буян хәлқарада зор бәс-муназиригә сәвәб болуватқан үндидар вә тик-ток һәққидә америка һөкүмити рәсмий қарар алди. «Күндилик хәвәрләр» гезитиниң 18-сентәбирдики хәвиридә ейтилишичә, америка һөкүмити 20-сентәбирдин башлап үндидарни рәсмий мәний қилиш һәққидә қарар алған. Хәвәрдә бу қарарниң елинишидики әң муһим сәвәбниң дөләт бихәтәрлик мәсилиси икәнлики ейтилған.

Хәвәрдә ейтилишичә, мәзкур қарарда үндидарни мәний қилиш билән биргә тик-токму мәний қилинған. Әмма тик-токни мәний қилиш буйруқи 12-ноябирдин башлап күчкә болидиған болуп, бу муддәткичә мәзкур әпни ишлитишкә болидикән. Америка сода министирлиқиниң министири вилбур рос бу һәқтә сөз қилип: «әгәр биз ейтқан бир қисим бихәтәрлик тәдбирлири бу әпкә орнитилса, буниң давамлиқ ишлитилш еһтималлиқи бар,» дегән.

Вилбур рос бу һәқтики язма баянатида өзлириниң америка президенти доналд трампниң көрсәтмиси бойичә хитай һөкүмити давам қилдуриватқан америка хәлқиниң хусусий учурлирини топлаш қилмишини чәкләш, американиң дөләт қиммити вә демократийә қиммити чүшәнчилирини қоғдаш үчүн бу тәдбирниң елинғанлиқини алаһидә тәкитлигән.

Хәвәрдә ейтилишичә, үндидар вә тик-токқа охшаш көплигән әпләр истемалчиларниң учурлирини топлайдиған болсиму, бу икки әп башқа әпләргә охшимайдиған һалда хитай һөкүмитиниң контроллуқида болғачқа һөкүмәт һәрқачан униң санлиқ мәлумат амбириға кирәләйдикән. Дәл мушу сәвәбтин бу әпләрни чүшүргән һәмдә америка туприқида яшаватқан һәрқандақ кишиниң хусусий учури һәрвақит хитай компартийәсиниң ихтиярида болидикән.

Пикирләр (0)
Share
Толуқ бәт