Amérikidiki Uyghurlar yéngi yilni kütüwaldi

Muxbirimiz erkin
2016-01-01
Share


31 - Dékabir kéchisi dunya xelqi herxil pa'aliyetlerni ötküzüp, 2016 - yilni kütüwaldi. Amérika paytexti washin'gton etrapidiki rayonlarda olturushluq Uyghurlar bolsa shimaliy wirginiyediki bir kespiy bilim yurtida pa'aliyet ötküzüp, yéngi yilni qarshi aldi.

Yéngi yil pa'aliyitini amérika Uyghur birleshmisi teshkilligen. D u q re'isi rabiye qadir xanim yéngi yil yighilishida nutuq sözlep, Uyghurlargha yéngi yilliq utuq tilidi. U, 2015 - yilning Uyghurlar üchün "Zulum kücheygen, emma zulumgha bash egmigen bil yil" bolghanliqini tekitlep, 2016 - yilning Uyghurlar "Tinchliq, salametlik we xatirjemlikke érishken, zulumgha xatime bérilgen bir yil" bolup qélishini ümid qildi.

U yene, Uyghurlarni ittipaqliqqa chaqirip, "Muhajirettiki Uyghurlarni weten ichidiki qiyinchiliq tartiwatqan, türmilerde éziliwatqan Uyghur wijdan mehbuslirini, ularning a'ile - tawabi'atlirini untup qalmasliq" qa chaqirdi.

Bu qétimqi yéngi yil térrorluq guruh - da'shning térrorluq tehditi kücheygen mezgilge toghra kelgen bolsimu, emma nyu - york, myunxén, london, dubey, moskwa, sidnéy, ré'o dé zhaniro qatarliq sheherlerning yéngi yilni kütüwélishi normal ötküzüldi.

Peqet firansiye paytexti parizh we bélgiye paytexti biryussél yoshurun térrorluq tehditini közde tutup, yéngi yilliq salyot étishni bikar qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.