Amérika dölet mejliside "Uyghur medeniyet pa'aliyiti we muhakime yighini" ötküzülmekchi

Muxbirimiz shöhret hoshur
2018-02-28
Élxet
Pikir
Share
Print

Washin'gtondiki "Uyghur kishilik hoquq qurulushi" ning tünügün élan qilghan axbarat bayanatidin melum bolushiche, amérika dölet mejliside 5‏-mart küni "Uyghur medeniyet pa'aliyiti we muhakime yighini" ötküzülidiken.

Bayanatta déyilishiche, amérika dölet mejlisining binasida kech sa'et 5:00 tin 8:00 ge qeder élip bérilidighan bu pa'aliyette Uyghurche tamaq, kiyim-kéchek we sen'et buyumliri körgezme qilin'ghandin bashqa yene nöwettiki Uyghur weziyiti, jümlidin "Yépiq terbiyelesh lagérliri" mesilisimu tonushturulidiken. Uyghur diyaridiki "Yépiq terbiyelesh lagérliri" gha qarita amérika dölet mejlisining diqqitini tartish we ularni heriketke keltürüshni meqset qilghan bu pa'aliyet amérika Uyghur birleshmisi bilen amérika dölet mejlisining tom lantos kishilik hoquq komissiyoni teripidin birlikte ötküzülidiken.

Uyghur pa'aliyetchilirining bayan qilishiche, bu amérikidiki Uyghur teshkilatlirining amérika dölet mejliside yéqinqi 10 nechche yil ichide 3‏-qétim ötküzgen medeniyet pa'aliyiti hésablinidiken.

Melum bolushiche, bu pa'aliyetke amérika dölet mejlisidiki xitay mesililirige qiziqidighan we Uyghur weziyitige köngül bölidighan bir qisim mejlis ezaliri we kishilik hoquq pa'aliyetchiliri shundaqla washin'gton etrapida yashawatqan Uyghurlar teklip qilin'ghan.

Toluq bet