Amérika dölet ishliri ministirliqi Uyghur tutqunlar mesilisini yene bir qétim tilgha aldi

Muxbirimiz eziz
2018-04-19
Élxet
Pikir
Share
Print

Uyghur diyaridiki "Yépiq terbiyelesh" herikiti jeryanida milyonlighan Uyghurlarning tutqun obyékti qilinish mesilisini amérika hökümet tarmaqliri we herqaysi axbarat wasitiliri köplep tilgha élip kelgen idi. 18-Aprél küni bu mesile yene bir qétim tilgha élindi.

Amérika dölet ishliri ministirlikining bayanatchisi, dölet diplomatiyesi we ammiwi alaqe ishliri sékrétarining orunbasari xézér nawr bu mesile heqqide mexsus toxtilip, nöwette Uyghur diyaridiki zor kölemlik tutqunning jiddiy dawam qiliwatqanliqini, bolupmu chet'ellerde uruq-tughqanliri bolghan Uyghurlarning türlük tehditlerge we parakendichilikke muptila boluwatqanliqini, bu heqte chet'ellerde muhajir bolup turuwatqan Uyghurlarning köplep guwahliq bériwatqanliqini bildürdi.

U bu heqte tiwittérgha yollighan uchurda "Xitay hökümiti qanunsiz tutup turuluwatqan kishilerni tézdin qoyuwétishi hemde xitayning eng négizlik erkinlik prinsiplirigha hörmet qilishi lazim," dep körsetti.
Muhajirettiki Uyghurlar bu heqte inkas qayturup, "Xitay hökümitining bu xildiki qanunsiz qilmishlirini xelq'ara jama'et ortaq tenqidlishi lazim" dep körsetti.

Toluq bet