Xudson merkizide Uyghur diyari heqqide mexsus yighin chaqirilidu

Muxbirimiz eziz
2018-05-03
Élxet
Pikir
Share
Print

Uyghur diyaridiki basturush we kontrolluqning barghanséri yuqiri pellige chiqishi bilen bu mesile chet'ellerdiki köpligen axbarat wasitiliri we mutexessislerning diqqitini qozghawatqanliqi melum.

4-May küni, yeni jüme küni chüshte washin'gtondiki xudson merkizide ötküzülmekchi bolghan "Xitayning shinjangdiki saqchi döliti" témisidiki mexsus yighini ene shu xil hadisining inkasidur.

Mezkur yighin heqqidiki uqturushta Uyghur diyarida xitay hökümitining basturush we irqiy zulum asasida ismi-jismigha layiq "Saqchi döliti" berpa qilip chiqqanliqi, nöwette besh pirsenttin 10 pirsentkiche bolghan Uyghurlarning "Terbiyelesh merkizi" namida tesis qilin'ghan yighiwélish lagérlirigha qamalghanliqi, xitay hökümitining mushu jeryanda Uyghur milliy medeniyiti we diniy kimlikini yoqitishni tézleshtürüwatqanliqi, mushu mesililer heqqide alaqidar mutexessislerning bu heqtiki pikirlirini anglap béqish üchün mushu qétimliq yighinning orunlashturulghanliqi éytilghan.

Uqturushta körsitilishiche, bu qétimqi yighinda Uyghur tarixi sahesidiki mutexessislerdin jéymis milward, rayan sam, insan heqliri sahesidiki mutexessislerdin luyiza gréw, sarah kuk qatarliqlar söz qilidiken hemde yighin ishtirakchilirining bu heqtiki so'allirigha jawab béridiken.

Toluq bet