Kishilik hoquq 666 blogida bir Uyghur ayalning prézidént obamagha yazghan ochuq xéti élan qilindi

2014-03-24
Élxet
Pikir
Share
Print


Bügün yeni 24 - mart küni kishilik hoquq 666 (Human Rights 666) namliq blogda bir Uyghur ayalning prézidént obamagha yazghan ochuq xéti élan qilindi.

Ochuq xet "Térrorchi " térrorchi" ni peyda qildi" dégen namda bolup, xette xitayning Uyghur musteqilchilirini térrorluq bilen eyiblishige reddiye bérilgen. Aptor gulnur osman xétide, özining amérikigha yéngi kelgenlikini eskertkendin kéyin, Uyghurlarning omumyüzlük namratliq patqiqigha chüktürülgenlikini we millet süpitide halaketke yüzlen'genlikini we mana mushundaq shara'it astida süküt ichide tügishishtin isyan kötürüp ölüsh yolini tallighanliqini pakitlar bilen körsitip bergen. Xitayning öz dölet bixeterlikini étnik qirghinchiliq yoli bilen qoghdawatqanliqi ilgiri sürülgen ochuq xette, Uyghur rayoni üsti ochuq bir türmige oxshitilghan.

Amérika hökümiti ötken yili 23 - april maralbéshi weqesi qatarliq xitay térrorluq bilen eyibligen weqelerning amérikining neziride térrorluq sanalmaydighanliqi heqqide ashkara ipade bildürgen؛ bu yilqi 1 - mart künming weqesinimu zorawanliq herikiti dep eyibligen, emma térrorluq démigen idi.

Gulnur osman ochuq xétining axirida prézidént obamani dawamliq halda xitayning Uyghurlar heqqidiki bohtanlirigha segek bolushqa, Uyghurlarning zulumgha qarshi isyanlirigha heqqaniy köz bilen, heqqaniy meydanda turup baha bérishke dewet qilghan.

Toluq bet