Америка президенти обама вийетнам зияритидә кишилик һоқуқни тәкитлиди

Мухбиримиз меһрибан
2016-05-24
Share

Америка президенти барак обама 24-май сәйшәнбә күни вийетнам пайтәхти ханойдики дөләтлик йиғин мәркизидә нутуқ сөзлигинидә кишилик һоқуқ мәсилисини оттуриға қойған.

Америка авазиниң хәвиридә, америка президенти барак обаманиң нутқиға 2000 дин артуқ киши қатнашқанлиқи, обаманиң өз нутқида кишилик һоқуқ мәсилисидин ибарәт сәзгүр мәсилини оттуриға қоюп, “кишилик һоқуқни қоғдаш җәмийәт муқимлиқиға тәһдит елип кәлмәйду” дегәнлики нәқил елинди.

Әнглийә б б с агентлиқиниң хәвиридә, президент обаманиң вийетнамдики он нәччә нәпәр өктичи әрбаб билән көрүшкәнлики, әмма бир қисим аммиви тәшкилат вәкиллириниң обама билән көрүшүшигә йол қоюлмиғанлиқи баян қилинди. Хәвәрдә обаманиң “бирқанчә аммиви тәшкилатларниң өзи билән көрүшүшигә йол қоюлмиғанлиқи, гәрчә вийетнам билән америка арисидики соғуқ мунасивәт башланғандин буянқи қорал ембаргоси бикар қилинип, икки дөләт мунасивитидә зор қәдәм елинған болсиму, америка йәнила вийетнам һөкүмитиниң кишилик һоқуқ мәсилисидики чәклимилиригә диққәт қиливатқанлиқи” ни билдүргәнлики тилға елинған.

Бундин илгири сабиқ америка президентлири бил клинтон, җорҗи бош қатарлиқларму вийетнамда зиярәттә болған. Дүшәнбә күни америка вийетнамға қаритилған 50 йиллиқ қорал ембаргосини бикар қилғанлиқини елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт