Washin'gtonda amérikining xatire küni daghdughiliq xatirilendi

Bügün amérika qoshma shtatlirining weten üchün qurban bolghan qehrimanlarni xatirilesh küni.

25-May etigendin buyan paytext washin'gton we uning etrapidiki döletlik xatire meydanliri qaynam-tashqinliqqa chömdi. Arlintondiki qebristanliqta amérika armiyisining wekilliri, qurbanlarning a'ile tawabi'atliri jem bolup, weten üchün qurban bolghanlarni yad etti.

Prézidént barrak obama pütün memliketke téléwiziye nutqi sözlep, erkinlik, adalet we tinchliqni qoghdash yolida qurban bolghanlarni hergiz untup qalmasliqqa chaqirdi.

Melumki, “Xatire küni” her yili mayning eng axirqi düshenbe küni ötküzülidighan amérikidiki fédéral bayramlarning biri. Amérikida eng deslepki “Xatire küni” 1868-yili 30-mayda ötküzülgen. Shuningdin kéyin “Xatire küni” amérikining musteqilliq urushi, jenub-shimal urushi, fashizmgha qarshi urush shundaqla amérikining dölet bixeterliki üchün élip bérilghan urushlarda qurban bolghanlarni yad étidighan alahide xatire kün'ge aylan'ghan.