“Amérika awazi” radiyosi: “Tramp, ikkinchi qétim xitay dölet re'isi bolghan shi jinpingni téxiche tebriklimidi”

Muxbirimiz shöhret hoshur
2018.03.21

“Amérika awazi” radiyosining bügün xewer qilishiche, amérika prézidénti donald tramp ta bügün'ge qeder shi jinpingning ikkinchi qétimliq xitay dölet re'isi bolghanliqini tebriklep xet ewetmigen.

Xewerde déyilishiche, xitay tashqi ishlar ministirliqining tor bétide shi jinpingni tebrikligen chet döletler rehberlirining tebriknamiliri élan qilin'ghan. Tizimlikning axirida “Amérika qatarliq bir qisim döletlerning rehberliri bashqiche shekilde tebriklidi,” dep eskertish bérilgen. “Amérika awazi” ning bügünki bu heqtiki xewiride mezkur izahatta yalghan melumat bérilgenliki isharet qilin'ghan.

Xewerde déyilishiche, bezi meslihetchilirining tosushigha qarimay rusiye prézidénti wiladimér putinni téz we ashkara tebrikligen donald tramning shi jinpingni bashqiche bir shekilde tebriklishi mumkin emes iken.

Xewerde yene eskertilishiche, xitay asasi qanunigha tüzitish kirgüzülüp, dölet re'isining wezipe ötesh mudditini sürügsiz uzartish heqqide teklip sunuluwatqan mezgilde donald tramp: “Amérikimu buningdin ülge alsa bolghudek,” dep shi jinpingni mesxire qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.