Америка билән хитай арисидики уруш хәвпиниң күчийишигә әгишип, хитай ядро қорал тәйярлиқини тезләткән

Мухбиримиз җәвлан
2022-04-11
Share

Әгәр күнләрниң биридә уруш болуп қалса, америка ядро қоралини ишқа салиду дәп ойлиған хитай, украина урушидин кейинки вәзийәткә, шундақла америка билән болидиған урушқа тақабил туруш үчүн ядро қорал тәйярлиқини башливәткән.

“вал-ситерт журнили” ниң хәвиригә қариғанда, хитай гәрчә ядро қорал синақлирини украина урушидин бурунла башлиған болсиму, украина урушидин кейин американиң русийәни әйибләп, тәйвән мәсилисидә хитайға бесим қилишиға әгишип, хитай тәрәп җиддийлишип қалған вә америкаға тақабил туруш үчүн техиму чоң тәйярлиқ қилишқа киришкән.

Хитайниң ғәрбий райониға мунасивәтлик сүний һәмраһ сүрәтлирини анализ қилғучиларниң билдүрүшичә, хитай бу йил киргәндин буян, бу районда 100 нәччә йәрдә башқурулидиған бомба қоюп бериш орни қурған болуп, америкаға зәрбә берәләйдиған ядролуқ башқурулидиған бомбини қоюп бериш үчүн ишлитилидикән.

Анализчиларниң қаришичә, хитайниң ядро қорал тәйярлиқи әзәлдин давамлишип кәлгән болуп, буниң сәвәби американиң һаман бир күни хитай коммунистик һакимийитини ағдуруветишидин сақлаш үчүн икән. Әмма америка әмәлдарлири хитайниң бу хил начар ядро қораллирини тәрәққий қилдурушиниң американиң хитайға техиму бесим қилишиға сәвәб болидиғанлиқини билдүргән. Украинаға бесип киргән русийәниң ядро қорал билән украинаға вә дуняға тәһдит селиши хәлқарани җиддий тәдбир елишқа қиставатқан болуп, хитайму буниңдин савақ елиши керәк икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт