Amérika bilen xitay arisidiki urush xewpining küchiyishige egiship, xitay yadro qoral teyyarliqini tézletken

Eger künlerning biride urush bolup qalsa, amérika yadro qoralini ishqa salidu dep oylighan xitay, ukra'ina urushidin kéyinki weziyetke, shundaqla amérika bilen bolidighan urushqa taqabil turush üchün yadro qoral teyyarliqini bashliwetken.

“Wal-sitért zhurnili” ning xewirige qarighanda, xitay gerche yadro qoral sinaqlirini ukra'ina urushidin burunla bashlighan bolsimu, ukra'ina urushidin kéyin amérikaning rusiyeni eyiblep, teywen mesiliside xitaygha bésim qilishigha egiship, xitay terep jiddiyliship qalghan we amérikagha taqabil turush üchün téximu chong teyyarliq qilishqa kirishken.

Xitayning gherbiy rayonigha munasiwetlik sün'iy hemrah süretlirini analiz qilghuchilarning bildürüshiche, xitay bu yil kirgendin buyan, bu rayonda 100 nechche yerde bashqurulidighan bomba qoyup bérish orni qurghan bolup, amérikagha zerbe béreleydighan yadroluq bashqurulidighan bombini qoyup bérish üchün ishlitilidiken.

Analizchilarning qarishiche, xitayning yadro qoral teyyarliqi ezeldin dawamliship kelgen bolup, buning sewebi amérikaning haman bir küni xitay kommunistik hakimiyitini aghduruwétishidin saqlash üchün iken. Emma amérika emeldarliri xitayning bu xil nachar yadro qorallirini tereqqiy qildurushining amérikaning xitaygha téximu bésim qilishigha seweb bolidighanliqini bildürgen. Ukra'inagha bésip kirgen rusiyening yadro qoral bilen ukra'inagha we dunyagha tehdit sélishi xelq'arani jiddiy tedbir élishqa qistawatqan bolup, xitaymu buningdin sawaq élishi kérek iken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar