Хитай һөкүмити америка уруш парахотиниң тәйвән боғузидин кесип өткәнликини әйиблиди

Мухбиримиз әзиз
2022-04-27
Share

Хитай һәрбий даирилири 27-апрелда америка уруш парахотлириниң тәйвән боғузидин кесип өткәнликини “мәзкур районниң тинчлиқи вә муқимлиқи үчүн зиянлиқ һәрикәт” дәп әйиблигән.

Ройтерс агентлиқиниң бу һәқтики хәвиридә ейтилишичә, америка деңиз армийәсинң “сампсон” (Sampson) ядро оқ бешилиқ қоғлиғучи парахоти 26-апрел күни қәрәллик деңиз сәпири үчүн хәлқара деңиз йоли қанунлириға уйғун һалда тәйвән боғузидин өткән. Улар бу қетимлиқ сәпәр һәққидә чүшәнчә берип “америка армийәси хәлқара қанун рухсәт қилған һәрқандақ җайда учуш, деңиз сәпири қилиш вә мәшғулат қилиду” дегән. Әмма хитай деңиз армийәси қоманданлиқ штаби буниңға наразилиқ билдүрүп “уларниң бу хил деңиз сәпири иғвагәрликни мәқсәт қилған. Улар мушу арқилиқ тәйвән мустәқиллиқи үчүн хата учур йоллайду” дегән.

Мәлум болушичә, америка деңиз армийәсиниң бу хилдики деңиз сәпири буниңдин илгириму көп қетим тәйвән әтрапидин өткән икән. Тәйвән мудапиә министирлики бу қетимқи деңиз сәпири һәққидә тохтилип, буниң пүтүнләй нормал болған деңиз сәпири икәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт