Xitay hökümiti amérika urush paraxotining teywen boghuzidin késip ötkenlikini eyiblidi

Muxbirimiz eziz
2022-04-27
Share

Xitay herbiy da'iriliri 27-aprélda amérika urush paraxotlirining teywen boghuzidin késip ötkenlikini “Mezkur rayonning tinchliqi we muqimliqi üchün ziyanliq heriket” dep eyibligen.

Roytérs agéntliqining bu heqtiki xewiride éytilishiche, amérika déngiz armiyesinng “Sampson” (Sampson) yadro oq béshiliq qoghlighuchi paraxoti 26-aprél küni qerellik déngiz sepiri üchün xelq'ara déngiz yoli qanunlirigha uyghun halda teywen boghuzidin ötken. Ular bu qétimliq seper heqqide chüshenche bérip “Amérika armiyesi xelq'ara qanun ruxset qilghan herqandaq jayda uchush, déngiz sepiri qilish we meshghulat qilidu” dégen. Emma xitay déngiz armiyesi qomandanliq shtabi buninggha naraziliq bildürüp “Ularning bu xil déngiz sepiri ighwagerlikni meqset qilghan. Ular mushu arqiliq teywen musteqilliqi üchün xata uchur yollaydu” dégen.

Melum bolushiche, amérika déngiz armiyesining bu xildiki déngiz sepiri buningdin ilgirimu köp qétim teywen etrapidin ötken iken. Teywen mudapi'e ministirliki bu qétimqi déngiz sepiri heqqide toxtilip, buning pütünley normal bolghan déngiz sepiri ikenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet