Prézidént baydén xitayni amérikaning riqabet qanuni maqullishigha qol tiqti, dep eyibligen

Muxbirimiz erkin
2022-05-06
Share

Amérika prézidénti jow baydén xitayni amérikaning xitaygha taqabil turushni meqset qilghan xitay riqabet qanuni maqullishigha qol tiqishqa urundi, dep eyibligen. Uyghur tilini qoghdash, tashqi ishlar ministirliqida Uyghurlar mesilisige mes'ul emeldar teyinlesh qatarliq maddilarnimu öz ichige alghan bu qanun layihesi bu yil 2-ayda amérika awam palatasi teripidin maqullan'ghan. Melum bolushiche, bu qanun layiheside amérikaning özek ishlepchiqirishigha 52 milyard dollar, halqiliq sahelerning teminlesh zenjirini yaxshilashqa 45 milyard dollar, keshpiyat we ilmiy tetqiqat ishlirigha 160 milyard dollar ajritilghan.

Bu qanun layihesining kéngesh palatasidiki nusxisi ötken yili maqullan'ghan bolup, nöwette her ikki palata bu qanunning prézidéntqa yollinidighan axirqi nusxisi üstide sözlishiwatqanidi. “Blumbérg xewerliri” ning prézidént baydén ötken seyshenbe küni alabama shtatining troy shehirini közdin kechürgende, “Tüp asasidin alghanda bu, bir dölet bixeterlik mesilisi. Mana bu xitay kompartiyesining bu qanun'gha qarshi kishilerni ishqa séliwatqanliqining sewebi…. Bu démokratlar bilen jumhuriyetchilerni birleshtüridighan mesile. Shunga, buni tamamlayli” dégen.

Bu prézidéntning tunji qétim xitayni amérika dölet mejlisining qanun chiqirish jeryanigha qol tiqish bilen eyiblishidur. “Blumbérg” ning xewiride éytilishiche, baydén bu sözlerni sözining asasliq nuqtisi ukra'ina urushigha merkezleshken bir waqitta éytqan bolup, bu, uning hazirgha qeder xitaygha qaratqan eng qattiq tenqidi bolup hésablinidiken. Xewerde bildürülshiche, xitayning amérikadiki elchixanisi baydénning sözige inkas qayturush heqqidiki telepke jawab bermigen. Aqsaraymu baydénning sözige ilgirilep chüshenche bérishni ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet