Америка авияматкилири хитайниң шәрқий деңиз чеграсиға топланған

Мухбиримиз җәвлан
2022-05-18
Share

Америкадики таратқуларниң хәвәр беришичә, америка деңиз армийәси авияматкилири хитайниң шәрқий деңиз чеграсиға топланған.

Америка деңиз армийәси тәтқиқат институти парахот әтритиниң көзитиш нәтиҗисидин қариғанда, американиң “абраһам линколин”, “роналд реган” намлиқ йирақ мусапилиқ һуҗумчи авияматкилири японийә, тәйвән, филиппин вә униң әтрапидики деңиз тәвәликидә һәрикәт қилмақта икән.

Бу авияматкилар ичидә “америка”, “триполи” намлиқ авияматкилар нисбәтән кичик типтики авияматкилар болсиму, һуҗумчи айропиланларни қондуралайдикән вә җәң вәзийитигә наһайити тез маслишип, тез һуҗум қозғиялайдикән.

Хәвәрдә ейтилишичә, хитай армийәси 5-айниң 6-күнидин 8-күнигичә тәйвәнни шәрқтин вә ғәрбий җәнубтин қоршаш, “вәтәнни бирликкә кәлтүрүш” манивери елип барғандин кейин, америка порт роял авияматкиси буниңға инкас қайтуруп, 5-айниң 10-күни тәйвән боғузида паалийәт елип барған.

Нөвәттә хитайниң “лиявниң” намлиқ авияматкиси американиң “абраһам линколин” қатарлиқ авияматкилириға йеқин бир җайда һәрикәт қилмақта икән. Американиң һуҗумчи авияматкилири 5-айниң 13-күни филиппин деңиз тәвәликидә “һәрбий тәһдит салғучиға һәддини билдүрүш”, “деңизда йирақ мусапилиқ һуҗум қилиш” мәшқи елип барған. Хитай дөләт мудапийә министирлики вә деңиз армийәси буниңға техи инкас қайтурмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт