Amérika awiyamatkiliri xitayning sherqiy déngiz chégrasigha toplan'ghan
Amérikadiki taratqularning xewer bérishiche, amérika déngiz armiyesi awiyamatkiliri xitayning sherqiy déngiz chégrasigha toplan'ghan.
Amérika déngiz armiyesi tetqiqat instituti paraxot etritining közitish netijisidin qarighanda, amérikaning “Abraham linkolin”, “Ronald régan” namliq yiraq musapiliq hujumchi awiyamatkiliri yaponiye, teywen, filippin we uning etrapidiki déngiz tewelikide heriket qilmaqta iken.
Bu awiyamatkilar ichide “Amérika”, “Tripoli” namliq awiyamatkilar nisbeten kichik tiptiki awiyamatkilar bolsimu, hujumchi ayropilanlarni qonduralaydiken we jeng weziyitige nahayiti téz masliship, téz hujum qozghiyalaydiken.
Xewerde éytilishiche, xitay armiyesi 5-ayning 6-künidin 8-künigiche teywenni sherqtin we gherbiy jenubtin qorshash, “Wetenni birlikke keltürüsh” maniwéri élip barghandin kéyin, amérika port royal awiyamatkisi buninggha inkas qayturup, 5-ayning 10-küni teywen boghuzida pa'aliyet élip barghan.
Nöwette xitayning “Liyawning” namliq awiyamatkisi amérikaning “Abraham linkolin” qatarliq awiyamatkilirigha yéqin bir jayda heriket qilmaqta iken. Amérikaning hujumchi awiyamatkiliri 5-ayning 13-küni filippin déngiz tewelikide “Herbiy tehdit salghuchigha heddini bildürüsh”, “Déngizda yiraq musapiliq hujum qilish” meshqi élip barghan. Xitay dölet mudapiye ministirliki we déngiz armiyesi buninggha téxi inkas qayturmighan.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
- B d t ning ichki qismidiki nishanigha muxalip qilmishliri we Uyghur mesilisi
