Amérika tashqi ishlar ministirliqi xitayning 11 neper amérika siyasiyoni we puqrasigha émbargo qoyghanliqini tenqid qildi

Muxbirimiz erkin
2020-08-11
Share

Amérika tashqi ishlar ministirliqi 11-iyul xitayning marko rubiyo, téd kruz qatarliq 11 neper amérika siyasiyoni we ammiwi teshkilat rehberlirige émbargo qoyghanliqigha inkas bildürüp, bu xitayning dölet ichi we sirtida kishilik hoquq mesilisini muhakime qilish we pikir erkinlikige chidimaydighanliqining ipadisi, dep tenqid qildi.

Xitay hökümiti 10-iyul téd kruz, marko rubiyo, tam katton, josh xowly, kristofér simit qatarliq amérika kéngesh we awam palata ezalirigha we kishilik hoquqni közitish teshkilatining rehbiri kénnis ros qatarliq ammiwi teshkilat mes'ullirigha imbrago qoyghanliqini élan qilghan.

Xitayning qarari amérika hökümitining ötken hepte xongkong walisi lin jingyö qatarliq shexslerge émbargo qoyup, ularning amérikadiki mal-mülkini tonglatqanliqigha qaritilghan öch élish herikiti, dep qaraldi. Lékin közetküchiler, xitayning imbargosining héchqandaq emili ehmiyiti yoqluqini tekitlimekte. Amérika tashqi ishlar ministirliqi 11-iyul élan qilghan bayanatida: "Biz amérika puqralirining pikir erkinlik hoquqini yürgüzgenliki seweblik jazalan'ghanliqini tendiqleymiz. Biz béyjingning istibdat hökümranliqini chégra sirtigha kéngeytishini qet'iy ret qilimiz," déyilgen.

Bayanatta tekitlishiche, "Xitayning herikiti bixeterlik mesilisi bilen munasiwetsiz bolup, bu xongkongning ichi we sirtida wehime peyda qilish we pikri erkinlikini boghushni meqset qilghan" iken. Xitayning 11 neper amérika siyasiyoni we ammiwi teshkilat rehberlirige émbargo qoyushi uning bu jehettiki tunji herikiti emes. Buning aldida u Uyghurlarni qollap, xitayning irqiy zulumini eyiblep kelgen marko rubiyo, kristofér simit we téd kruzlar qatarliq amerika siyasiyonlirigha imbargo yürgüzgenlikini elan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet