Prézidént tramp xitayning 75 milyard dollarliq amérika mehsulatigha baj qoyghanliqigha qattiq inkas qayturdi

Muxbirimiz erkin
2019-08-23
Élxet
Pikir
Share
Print

Prézidént tramp 23‏-awghust küni twittérda bayanat élan qilip, xitayning 75 milyard dollarliq amérika mehsulatigha baj qoyghanliqigha qattiq inkas qayturdi. Prézidént tramp bayanatida, amérikaning nurghun yillar mabeynide xitaygha nurghun pulini tartquzup qoyghanliqi, xitayning amérika eqliy mülkini oghrilap, özlirini nurghun ziyan'gha uchritiwatqanliqini bildürgen.

Xitay hökümiti 23‏-awghust küni aptomobil we aptomobil zapchaslirini öz ichige alghan 5078 xil amérika mehsulatigha baj qoyidighanliqini élan qilghan. 

Közetküchiler, xitayning bu qararini prézidént trampning 15‏-awghust küni élan qilghan 300 milyard dollarliq xitay import mehsulatigha tamozhna béji qoyush qararigha qarshi élin'ghan öch élish tedbiri, dep qarimaqta. Lékin, prézidént tramp bayanatida, amérikaning xitaygha éhtiyaji yoqluqini, amérikaning ehwali xitaysiz téximu yaxshi bolidighanliqini bildürdi. U mundaq dédi: "Dölitimiz nurghun yillar mabeynide xitaygha trilyonlighan dollarni exmeqlerche tartquzup qoydi. Ular her yili bizning milyardlighan dollar eqliy mülkimizni oghrilidi we oghrilashni dawamlashturmaqchi boluwatidu. Bizning xitaygha éhtiyajimiz yoq, bizning ehwalimiz xitaysiz téximu yaxshi bolidu. Uning ashkarilishiche, u amérika shirketlirige xitaydin bashqa döletlerge yötkilish heqqide yolyoruq bergen. U yene buning "Amérika üchün zor purset" ikenlikini eskertip, amérikaning fédératsiye téz yollanmisi, amazon, UPS we pochtixana qatarliq pochta-alaqe orunlirigha xitaydin yaki bashqa her qandaq jaydin féntanil sélishni cheklesh heqqide yolyoruq bergenliki, féntanilning her yili 100 ming amérikaliqning jénigha zamin boluwatqanliqi, shi jinping féntanilni chekleydighanliqini bildürgen bolsimu, lékin cheklimigenlikini bildürdi.

Toluq bet