Amérika hökümiti xitayni qolgha élin'ghan pa'aliyetchilerni qoyup bérishke chaqirdi

Muxbirimiz jüme
2015.09.02
Share on WhatsApp
Share on WhatsApp

Amérika hökümiti seyshenbe küni xitaydin ötken ayda qolgha élin'ghan kishilik hoquq pa'aliyetchilirini qoyup bérishini telep qildi.

Dawid sapérstéyn amérika hökümitining xelq'ara diniy erkinlikke mes'ul aliy hoquqluq elchisi. U 20-awghusttin 28-awghustqiche xitayda ziyarette bolghan we xitayning munasiwetlik hökümet xadimliri, diniy sahe zatliri, ammiwi teshkilat wekilliri bilen körüshken.

Sapérstéyn ependining axbarat sahesige bildürüshiche, xitay da'iriliri uning bilen körüshüshke hazirlan'ghan, yaki uning bilen körüshken diniy zatlarni we kishilik hoquq pa'aliyetchilirini tutqun qilghan.

Uning éytishiche, bularning biri 25-awghust tutup kétilgen kishilik hoquq adwokati jang key iken. Jang key bir guruppa adem bilen bir yerge yighilip sapérstéyn ependi bilen körüshüshke teyyarliq qiliwatqinida tutulghan.

Buni bir qebihlik, dep atighan dawid sapérstéyn mundaq dédi: bular bizni tolimu bi'aram qildi. Biz hökümet da'irilirini kishilik hoquq pa'aliyetchiliri we diniy yétekchilerni derhal qoyup bérishke chaqirimiz.

U yene özi bilen körüshmekchi bolghan, yaki körüshken diniy zatlarning tutqun qilinishini herqandaq seweb bilen aqlighini bolmaydighanliqini bildürdi.

U xitaydin qaytip kélip élan qilghan bayanatida xitayni Uyghur musulmanliri, tibet buddistliri we xristi'an muritlirigha qaritilghan diniy cheklimilerni bikar qilishqa chaqirghan idi.

Shi jinping hakimiyet béshigha chiqqandin kéyin, xitayda kishilik hoquq adwokati we pa'aliyetchilirige qaritilghan basturush hessilep kücheytilgen.

Melum bolushiche, peqet bu yil iyuldila tutulghan, soraq qilin'ghan adwokat we kishilik hoquq pa'aliyetchiliri 200 din éship ketken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.