Amérika, xitay bilen rusiyeni shimaliy koréyege qarshi keskin tedbir élishqa chaqirdi

Muxbirimiz erkin
2017-09-15
Share

Amérika dölet ishliri ministiri téllirson peyshenbe küni xitay bilen rusiyege chaqiriq qilip, ularni shimaliy koréyening charshenbe küni élip barghan yéngi bashqurulidighan bomba siniqigha qarita keskin tedbir élishqa chaqirdi.

Téllirson peyshenbe küni élan qilghan bayanatida, "Xitay bilen rusiye perwasizlarche élip bérilghan bu bashqurulidighan bomba siniqigha qarshi biwasite tedbir qollinip, özining buninggha qarap turmaydighanliqini ipadilishi kérek," dégen.

B d t xewpsizlik kéngishi düshenbe küni shimaliy koréyege qarshi yéngi émbargo qarari maqullap uzun ötmeyla shimaliy koréye bashqurulidighan bomba siniqi élip barghan.

Téllirson bayanatida, xitayning néfit mesilisini kozir qilip, shimaliy koréyeni özining yadro qorallar programmisini qayta oylinishqa mejburlashni telep qildi. U, xitayning "Öz aldigha néfit bilen teminleshtin ibaret qudretlik kozérni qollinip, shimali koréyeni yadro qorallirini tereqqiy qildurushtin ibaret hazirqi yolidin di'alog we muzakirige üstilige kélishke qayil qilishini ümid qilimen," dédi.

Shimaliy koréye yéqinda wudrod bombisi sinaq qilghan. B d t xewpsizlik kéngishi ötken düshenbe küni birdek yéngi émbargo qarari maqullap, uning toqumichiliq mehsulatliri éksportigha émbargo yürgüzgen. Néfit importigha bezi cheklimilerni qoyghan. Biraq shimaliy koréye b d t émbargo qara maqullap arqidinla yene bir qétim bashqurulidighan bomba siniqi élip barghan idi.

Roytérz agéntliqining xewer qilishiche, shimali koréye bügün 2‏-qétim bashqurulidighan bomba siniqi élip barghan. Amérika bilen yaponiye b d t xewpsizlik kéngishini derhal yighin'gha chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.