Mutexessisler: "'térrorluqqa qarshi küresh'te amérika-xitay hemkarliqi tolimu cheklik bolidu"

Muxbirimiz eziz
2017-10-03
Share

"Térrorluqqa qarshi xelq'araliq küresh" hazir dunya miqyasidiki chong témilardin biri bolup, xitayning mushu pursettin paydilinip Uyghurlarning herqandaq shekildiki naraziliqini qattiq basturup kéliwatqanliqi izchil herqaysi axbarat wasitiliridin keng yer élip kelmekte.

"Amérika qoshma shtatliri tinchliq instituti" bashquruwatqan "Tinchliq xewerliri" zhurnilining 2-öktebirdiki sanigha bésilghan dawn murfiy imzasidiki "Xitayning xelq'ara térrorluqqa tutqan mu'amilisi" serlewhilik maqalida mushu heqtiki eng yéngi yüzlinish tepsiliy muhakime qilin'ghan.

Maqalide körsitilishiche, xitayning xelq'ara térrorluqqa qarshi küreshke atlinishidiki asasliq seweb xitay ishghaliyitidiki Uyghurlar diyarida muqim weziyet yaritish, shu arqiliq yéngidin bashlan'ghan "Bir belwagh bir yol qurulushi" ning ongushluq dawam qilishigha kapaletlik qilish iken. Shuning bilen birge ghayet zor miqdardiki yer asti bayliqini ichkirige toshup kétishke qulayliq yaritishmu uning asasliq nishanliridin biri iken.

Aptorning bayan qilishiche, xitay dunya miqyasida yéngidin bash kötiriwatqan iqtisadiy qudret sahibi bolush süpiti bilen hazir "Térrorluqqa qarshi küresh" üchün hemkarlashquchi dölet izlimekte iken. Emma bu jehette xitay izchil köz tikip kéliwatqan amérika qoshma shtatlirining siyasiy we iqtisad jehetlerdiki sewebler tüpeylidin xitay bilen bu jehette hemkarliq ornitish éhtimalliqi yoqning ornida iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.