Хитай америкиниң “11-сентәбир қануни” ға қарши чиқти
Хитай ташқи ишлар министирлиқи дүшәнбә күни америка дөләт мәҗлисиниң йеқинда мақуллиған “11-сентәбир қануни” ға қарши чиқирип, дөләтләрниң ички қануни хәлқара қанун вә террорлуққа қарши һәмкарлиқниң үстигә қоюлмаслиқини керәкликини билдүрди.
Америка дөләт мәҗлиси 28-сентәбир бир қанун лайиһәси мақуллиған. Бу қанунда 2001-йилдики “11-сентәбир вәқәси” дә қурбан болған америкилиқларниң аилә-тавабиатлириниң сәүди әрәбистан һөкүмитини америка сотиға әрз қилишиниң йоли ечип берилгән иди.
Ройтерс агентлиқиниң хәвәр қилишичә, хитай ташқи ишлар министирлиқи баянатчиси гең шуаң, дүшәнбә күни террорлуқниң барлиқ шәкиллиригә қарши туридиғанлиқини билдүрүп, бирақ “хитай хәлқара террорлуққа қарши һәмкарлиқ.........Хәлқара қанун, хәлқара мунасивәтләрниң принсипи, хусусән дөләтләрниң игилик һоқуқтики түп баравәрлик принсипиға һөрмәт қилиши керәк, дәп қарайду” дегән.
Америка президенти барак обама илгири бу қанунға қарши чиққан. У, бу қанунниң башқиларға хата үлгә тикләп берип, америка бихәтәрлики вә дөләт мәнпәәтигә зиянлиқ ақивәтләрни елип келидиғанлиқини илгири сүргән. Шуңа у, америка дөләт мәҗлиси бу қанунни 1-қетим мақуллап, униң тәстиқиға сунғанда тәстиқлашни рәт қилған иди.
Әмма дөләт мәҗлиси 28-сентәбир 2-қетим авазға қойған. Бу қетим мәҗлис әзалириниң 3 дән 2 қисми қанун лайиһәсини қоллап аваз бәргән. Нәтиҗидә, бу лайиһә президентниң тәстиқисиз қанунға айланған иди.
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- “қанлиқ шавгуән вәқәси” ниң 13 йиллиқ хатирә күни: “дуня бу вәқәни унтуп қалмаслиқи керәк”
