Бәш бурҗәклик бина йеңи доклатида хитайниң ядро қораллар базисини тезликтә кеңәйтиватқанлиқини агаһландурған

Мухбиримиз ирадә
2021-11-04
Share

Америка дөләт мудапийә министирлиқиниң баш шитаби болған пентагон, йәни бәш бурҗәклик бина 3-ноябир күни хитайниң һәрбий қудрити һәққидә мәхсус доклат елан қилип, хитайниң һазир ядро қораллар базисини тезликтә кеңәйтиватқанлиқини агаһландурған.

Бәш бурҗәклик бинаниң пәрәз қилишичә, 2030-йилға барғанда, хитайниң ядро оқ беши сани миңға йетиши мумкин болуп, бу бейҗиңниң һәрбий қурулуш нишаниниң интайин муһим бир қисми икән.

Бәш бурҗәклик бинаниң доклатида йәнә мундақ дегән: "кәлгүси он йилда, хитай хәлқ җумһурийити ядро күчини заманивийлаштуруш, көп хиллаштуруш вә кеңәйтишни мәқсәт қилмақта. Улар қуруқлуқ, деңиз вә һавани асас қилған ядро йәткүзүш суписиға мәбләғ селиватиду, кеңәйтиватиду вә ядро армийәсиниң зор дәриҗидә кеңийишини қоллаш үчүн керәклик ул әслиһәләрни қуруватиду."

Доклатта йәнә хитайниң аз дегәндә үч йәрдә қитәләр ара учидиған баллистик башқурулидиған бомба қоюп бериш базиси қурулушини башлап болғанлиқи әскәртилгән.

Америка дөләт мудапийә министирлиқи доклатида йәнә хитайниң тәйвәнгә қаритиватқан һәрбий зораванлиқиниң күчийиватқанлиқи һәққидики әндишилириниму тилға алған.

Американиң сабиқ ташқий ишлар министири майк помпейо бәш бурҗәклик бинаниң доклатиға тивиттерда инкас қайтуруп: "хитай бизниң риқабәтчимиз әмәс, бәлки дүшминимиз. Биз хитайниң йәр шари бихәтәрликкә пәйда қиливатқан тәһдитигә сәл қаримаслиқимиз керәк," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт