Америка билән хитай килимат өзгириш мәсилисидә бирликкә кәлгән

Мухбиримиз нуриман
2021-11-11
Share

“ню-йорк вақти” гезитиниң 11-ноябир бәргән хәвиригә қариғанда, 26-қетимлиқ хәлқара килимат вә енергийә йиғини йәни “COP 26” йиғинида америка вә хитай килимат өзгириш мәсилидә бирликкә кәлгән.

Америка билән хитай килимат өзгириш мәсилисидики “арзусини күчәйтиш” тоғрисида бирдәклик һасил қилип, бирләшмә баянат елан қилған. Бирләшмә баянатта көрситилишичә, икки дөләт бу он йилда булғима қоюп беришни азайтиш үчүн техиму көп ишларни бирликтә қилишқа қошулған. Һәмдә хитай тунҗи қетим патқақ гази қоюп бериш мәсилисини бир тәрәп қилишқа вәдә бәргән.

Бу келишим килимат өзгириши йиғиниға қатнашқан дөләт башлиқлири вә дипломатларниң махтишиға сазавәр болған. Улар йәршари температурисиниң өрләп кетишиниң алдини илиш үчүн йеңи енергийә киргүзүшни үмид қилидиғанлиқини ейтишқан. Әмма мутәхәссисләр бу йеңи шәртнаминиң америка билән хитай 2014-йили түзгән булғима қоюп беришни бирликтә чәкләш келишимидики маддиларғиму йәтмәйдиғанлиқини әскәрткән.

Хәвәрдә көрситилишичә, хитай 2030-йилдин бурун булғима қоюп бериш мәсилисини һәл қилидиғанлиқиға вәдә бәргән, әмма ениқ бир вақитни бекитмигән. Америка әмәлдарлири хитайниң вәдилиригә ишәнч қилалмиғанлиқтин ениқ бир вақит бәлгиләшкә қистиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт