Xitay hökümiti jow baydin kabinéti heqqide ipade bildürdi

Muxbirimiz eziz
2020-11-24
Share

Démokratlar partiyesining wekili jow baydinning prézidéntliq saylimida yéngip chiqqanliqi heqqide amérikadiki axbarat wasitiliri köplep xewer bériwatqanda xitay hökümiti bu heqte resmiy ipade bildürdi.

Xitay hökümiti bashqurushidiki "Yershari waqti géziti" ning 22-noyabirdiki xewiride éytilishiche, xitay tashqi ishlar ministirliqi jow baydinning saylamda yéngip chiqqanliqini tebrikligen bolup, "Ikki terep munasiwitide körülgen ilgiriki köngülsiz sehipilerning ayaghlishishini ümid qilimiz" dégen. Shundaqla her ikki terepning öz dölitidiki siyasiy mesililerni hel qilip, nöwettiki tajsiman wirusi peyda qilghan weziyetke köngül bölüsh lazimliqini tekitligen. Bolupmu dunyadiki ikki chong dölet bolghan amérika bilen xitayning wirusqa a'it ishlarda téximu köp hemkarliqni wujudqa chiqirishini ümid qilidighanliqi xewerde alahide orun alghan.

Bu heqtiki xewerge amérika bilen xitay bayriqi ésilghan ikki qolning öz'ara qol qisishqanliqi, shuningdek amérika bayriqi ésilghan qolda xitaygha homiyip qarawatqan tajsiman wirusi, xitay bayriqi ésilghan qolda xalta-xalta bayliqning bolushi teswirlen'gen bir parche resim qisturulghan. Bezi analizchilar bu halgha qarap "Bu resimning özi xitay hökümitining hélihem wirusning menbesini amérikadin izdeshtek urunushtin qilche yaltaymighanliqini körsitidu" dégen.

Melum bolushiche, xitay re'isi shi jinping téxi hazirghiche jow baydinni tebriklimigen bolup, bu heqte xilmu-xil perezler otturigha chiqmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet