Donald tramp: "Xitaygha yéngidin tamozhna béji qoyushimiz mumkin!"

Muxbirimiz eziz
2018-11-27
Share

Amérika prézidénti donald tramp bilen xitay re'isi shi jinpingning "20 Dölet guruhi" yighinidiki uchrishishigha birnechche kün qalghanda aq saray 2019-yili xitaydin import qilinidighan barliq tawarlargha yéngidin tamozhna béji qoyulidighanliqini jakarlidi.

"Wal strét zhurnili" gézitining 27-noyabirdiki xewiride éytilishiche, donald tramp xitay bilen bolghan soda urushigha munasiwetlik söhbette özliri kütken netije barliqqa kelmise "Xitaygha qarita yéngidin 267 milyard amérika dolliriliq tamozhna béji qoyushni oylishiwatimiz" dégen.

Melum bolushiche, tramp hökümiti hazirgha qeder xitaydin import qilin'ghan tawarlargha qarita 250 milyard amérika dolliridin köprek tamozhna béji qoyghan. Eger bu hal ishqa ashsa u halda hazirghiche tamozhna béjining zerbisige uchrimay kéliwatqan bashqa tawarlargha buning biwasite tesiri bolidiken. Jümlidin xitayda ishliniwatqan "Alma" mehsulatlirighimu import béji qoyulidiken. 

Xewerde éytilishiche, bu yil séntebir éyida ijra bolushqa bashlighan 200 milyard amérika dolliriliq tamozhna béji xitayning adil bolmighan soda qilmishlirigha, jümlidin zawut igilirini mehsulat téxnikilirini qoshup sétip bérishke zorlash we téxnika oghrilash qilmishlirigha jaza bérish üchün otturigha chiqqan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet