Доналд трамп америкиниң хитайда турушлуқ әлчисини тәйинлиди

Мухбиримиз ирадә
2016-12-08
Share

Америкиниң сайламда утуп чиққан президенти доналд трамп айова штатиниң башлиқи террй бранстадни америкиниң хитайда турушлуқ баш әлчиликигә тәйинлигән. Мәзкур хәвәр трампниң баянатчиси җәсон миллер тәрипидин чаршәнбә күни чүштин кейин рәсмий йосунда елан қилинди.

С н н телевизийәсиниң хәвәр қилишичә, баянатчи миллер, террй бранстанниң хитайни вә хитай хәлқини интайин яхши чүшинидиған бири икәнликини билдүргән. Доналд трампму язма баянатида, униң хитай дөләт рәиси ши җинпиң вә башқа хитай рәһбәрләр билән узун муддәтлик достлуқ мунасивити барлиқини, шуңа униң бу вәзипигә әң лайиқлиқини ейтқан.

Хәвәрдә ейтилишичә, террий бранстад вә ши җинпиң иккиси 1985- йилида тонушқан болуп, у чағларда өлкә дәриҗилик башлиқ болған ши җинпиң дөләтләр ара алмаштуруш программиси билән айова штатиға кәлгән икән.

Бирақ, с н н телевизийәси хәвиридә, бу иккийләнниң достлуқиниң бундин кейин синилидиғанлиқини, чүнки икки дөләт арисида һазир риқабәт пәйда қиливатқан җәнубий җуңго деңизидики дәталаш, килимат өзгириши вә икки дөләт арисидики иқтисадий мунасивәтләргә охшаш җиддий мәсилиләрниң мәвҗутлуқини баян қилған. Шундақла доналд трампниң тәйвән президентиниң тәбрик телефонини қобул қилишиниңму хитайни қаттиқ рәнҗиткәнлики әскәртилгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт