Donald tramp amérikining xitayda turushluq elchisini teyinlidi

Amérikining saylamda utup chiqqan prézidénti donald tramp ayowa shtatining bashliqi térry branstadni amérikining xitayda turushluq bash elchilikige teyinligen. Mezkur xewer trampning bayanatchisi jeson millér teripidin charshenbe küni chüshtin kéyin resmiy yosunda élan qilindi.

S n n téléwiziyesining xewer qilishiche, bayanatchi millér, térry branstanning xitayni we xitay xelqini intayin yaxshi chüshinidighan biri ikenlikini bildürgen. Donald trampmu yazma bayanatida, uning xitay dölet re'isi shi jinping we bashqa xitay rehberler bilen uzun muddetlik dostluq munasiwiti barliqini, shunga uning bu wezipige eng layiqliqini éytqan.

Xewerde éytilishiche, térriy branstad we shi jinping ikkisi 1985- yilida tonushqan bolup, u chaghlarda ölke derijilik bashliq bolghan shi jinping döletler ara almashturush programmisi bilen ayowa shtatigha kelgen iken.

Biraq, s n n téléwiziyesi xewiride, bu ikkiylenning dostluqining bundin kéyin sinilidighanliqini, chünki ikki dölet arisida hazir riqabet peyda qiliwatqan jenubiy junggo déngizidiki detalash, kilimat özgirishi we ikki dölet arisidiki iqtisadiy munasiwetlerge oxshash jiddiy mesililerning mewjutluqini bayan qilghan. Shundaqla donald trampning teywen prézidéntining tebrik téléfonini qobul qilishiningmu xitayni qattiq renjitkenliki eskertilgen.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar