Amérika bilen xitay b d t kishilik hoquq kéngishide tutushup qaldi

Muxbirimiz erkin
2018-03-26
Élxet
Pikir
Share
Print

Xitay hökümiti düshenbe küni amérika diplomatining 23‏-mart künidiki b d t kishilik hoquq kéngishide qilghan sözlirige inkas qayturup, amérika diplomatini "Kibirlik" qilish bilen eyiblidi.

B d t kishilik hoquq kéngishi 23‏-mart küni xitay teripidin otturigha qoyulghan bir qarar layihesini awazgha qoyghanda amérika bilen xitay tutushup qalghan. Amérika diplomati jeysén mak xitayning qarar layiheside "Shi jinping idiyesi" terghib qilin'ghanliqini eskertip, eza döletlerning mezkur qarar layihesini ret qilishini telep qilghan.
Jeysén mak "Xitay mezkur qarar layihesi arqiliq b d t kishilik hoquq sistémisi we uning asasi ölchemlirini ajizlatmaqchi," dep tekitligen. U, bu qarar layihesidiki sözler chirayliq bolsimu, biraq u xelqning kishilik hoquq we tüp erkinlikige paydisiz, hakimmutleq döletlerning menpe'etige paydiliq ikenlikini eskertip, "Xitay üchün éytqanda, hemkarliqning heqiqiy yoli kishilik hoquqni algha sürüp we qoghdap, xata tutqun qilin'ghan puqralarni qoyup bérish, az sanliqlarning diniy hoquqini hörmet qilip, ularning erkin ibadet qilishini qoghdashtur," dégen.
Yighinda amérika diplomati jeysén yene amérikining insanlarning tüp erkinlikni ajizlitishtek yaki uni tereqqiyat, sodigha baghlap bashqa terepke burashtek bu xil urunushlargha ishtirak qilmaydighanliqini bildürgen. U "Bularning meqsiti éniq, dölet bashliqini medhiyelesh, uning idiyesini xelq'ara kishilik hoquq términlirigha kirgüzüshke urunushtur," dégen.
Xitay tashqi ishla rministirliqining bayanatchisi xu'a chünying düshenbe küni jeysén makning sözlirini"Mentiqsiz" dep eyiblep, "Bu amérika terepning pütünley bilimsizliki we tekebburluqini ipadileydu," dégen. Xitayning qarar layihesi b d t kishilik hoquq kéngishidiki pakistan qatarliq 28 döletning qollishi, amérikining qarshi turushi, awstraliye, yaponiye, shwétsariye, en'gliye qatarliq 17 döletning  awaz bérishtin waz kéchishi netijiside maqullan'ghan.

Amérika bilen xitay b d t kishilik hoquq kéngishide tutushup qaldi
Xitay hökümiti düshenbe küni amérika diplomatining 23‏-mart künidiki b d t kishilik hoquq kéngishide qilghan sözlirige inkas qayturup, amérika diplomatini "Kibirlik" qilish bilen eyiblidi.
B d t kishilik hoquq kéngishi 23‏-mart küni xitay teripidin otturigha qoyulghan bir qarar layihesini awazgha qoyghanda amérika bilen xitay tutushup qalghan. Amérika diplomati jeysén mak xitayning qarar layiheside "Shi jinping idiyesi" terghib qilin'ghanliqini eskertip, eza döletlerning mezkur qarar layihesini ret qilishini telep qilghan.
Jeysén mak "Xitay mezkur qarar layihesi arqiliq b d t kishilik hoquq sistémisi we uning asasi ölchemlirini ajizlatmaqchi," dep tekitligen. U, bu qarar layihesidiki sözler chirayliq bolsimu, biraq u xelqning kishilik hoquq we tüp erkinlikige paydisiz, hakimmutleq döletlerning menpe'etige paydiliq ikenlikini eskertip, "Xitay üchün éytqanda, hemkarliqning heqiqiy yoli kishilik hoquqni algha sürüp we qoghdap, xata tutqun qilin'ghan puqralarni qoyup bérish, az sanliqlarning diniy hoquqini hörmet qilip, ularning erkin ibadet qilishini qoghdashtur," dégen.
Yighinda amérika diplomati jeysén yene amérikining insanlarning tüp erkinlikni ajizlitishtek yaki uni tereqqiyat, sodigha baghlap bashqa terepke burashtek bu xil urunushlargha ishtirak qilmaydighanliqini bildürgen. U "Bularning meqsiti éniq, dölet bashliqini medhiyelesh, uning idiyesini xelq'ara kishilik hoquq términlirigha kirgüzüshke urunushtur," dégen.
Xitay tashqi ishla rministirliqining bayanatchisi xu'a chünying düshenbe küni jeysén makning sözlirini"Mentiqsiz" dep eyiblep, "Bu amérika terepning pütünley bilimsizliki we tekebburluqini ipadileydu," dégen. Xitayning qarar layihesi b d t kishilik hoquq kéngishidiki pakistan qatarliq 28 döletning qollishi, amérikining qarshi turushi, awstraliye, yaponiye, shwétsariye, en'gliye qatarliq 17 döletning  awaz bérishtin waz kéchishi netijiside maqullan'ghan.

Toluq bet