Prézidént tramp amérikining ottura musapilik yadro qorallar kélishimidin chékinip chiqidighanliqini élan qildi

Muxbirimiz erkin
2018.10.22
Share on WhatsApp
Share on WhatsApp

Amérika prézidénti tramp shenbe küni soghuq urushi dewride sabiq sowét ittipaqi bilen imzalan'ghan ottura musapilik yadro oq béshi élip yüridighan bashqurulidighan bombilirini cheklesh kélishimidin chékinip chiqidighanliqini élan qildi.

Prézidént trampning ilgiri sürüshiche, rusiye 1987‏-yili imzalan'ghan mezkur kélishimge xilapliq qilghan bolup, u shu seweblik bu kélishimni bikar qilishni qarar qilghan.

Prézidént tramp 20‏-öktebir qilghan sözide, “Biz bu kélishimni toxtitimiz we uningdin chékinip chiqimiz” dégen.

Uning ilgiri sürüshiche, xitay sabiq sowét ittipaqi bilen imzalighan bu kélishimdiki bir terep bolmisimu, lékin xitay we rusiye yéngi bir kélishimge maqul bolmighuche “Biz özimizning qoralini tereqqiy qildurimiz” dep körsetken.

Amérika xéli yillardin béri rusiyening ottura musapilik yadro qorallar kélishimige xilapliq qiliwatqanliqi shundaqla xitayning istratégiyelik yadro qorallar zapisini jiddiy kéngeytiwatqanliqini agahlandurup kelgen idi. Prézidént tramp mezkur bayanatni uning dölet xewpsizlik meslihetchisi jon bolton moskwagha qarap mangghan bir mezgilde qildi.

Amérika axbarat wasitilirining ilgiri sürüshiche, jon bolton moskwa sepiride rusiye terep bilen mezkur mesilisini sözlishidiken. Lékin, prézidént trampning qarari xitayni bi'aram qilghandek qilidu.

Xitay tashqi ishlar ministirliqi bayanatchisi xu'a chünying düshenbe küni amérikining mezkur kélishimdin chékinip chiqishini xataliq, dep körsitip, xitayning buninggha qarshi ikenlikini tekitligen.

Ottura musapilik yadro qorallirini cheklesh kélishimi 1987‏-yili sabiq amérika prézidénti ronald régan bilen sabiq sowét ittipaqi rehbiri mixayil gorbachéf otturisida imzalan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet