Америка пул - муамилә базири хитайниң иқтисадий әһвалини көзәтмәктә икән

Мухбиримиз җүмә
2015-09-05
Share


Хитай дөләтлик статистика идарисиниң истемалчилар вә ишләпчиқарғучиларниң нөвәттики әһвали һәққидики санлиқ мәлуматларни шу җай вақти сәйшәнбә күни 9:30 елан қилидиғанлиқи мәлум.

Һалбуки, бу һәқтә америка CNBC хәвәр қанилиниң зияритини қобул қилған мәбләғ селиш истратегийәчиси җон каналй хитайниң базар әһвалиниң бирдинла яхши болуп кетишигә гуман билән қарайдиғанлиқини билдүргән.

У мундақ дегән: келәр һәптә хитайниң иқтисадий әһвали һәққидә мәлумат чиқидиғанлиқи ениқ, әмма һечким бу санлиқ мәлуматларниң дегәндәк күчлүк болидиғанлиқиға ишинип кәтмәйду. Улар санлиқ мәлуматларниң чинлиқидин гуман қилишиду. Мән хитайниң бу патқақтин қандақ чиқип кетәлишини биләлмидим.

Хәвәрдә башқа анализчиларниң ейтқанлиридин нәқил елип көрситишичә, хитайниң иқтисадий өсүш сүритидә төвәнләш көрүлсә бу хәлқара базарға сәлбий тәсир беридикән.

Бу һәптә хитай пайчәк базири йәнә төвәнлигән. Шуниңдин билән бу йил июлдин буянқи төвәнләш нисбити 40 пирсәнткә йәткән иди. Хитайниң пайчәк базири 4 күнлүк дәм елиштин кейин дүшәнбә күни ечилиду. Һалбуки, базар әһвалиниң қандақ болидиғанлиқи йәнила бир соалдур.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт