Amérika pul - mu'amile baziri xitayning iqtisadiy ehwalini közetmekte iken

Muxbirimiz jüme
2015-09-05
Share


Xitay döletlik statistika idarisining istémalchilar we ishlepchiqarghuchilarning nöwettiki ehwali heqqidiki sanliq melumatlarni shu jay waqti seyshenbe küni 9:30 élan qilidighanliqi melum.

Halbuki, bu heqte amérika CNBC xewer qanilining ziyaritini qobul qilghan meblegh sélish istratégiyechisi jon kanaly xitayning bazar ehwalining birdinla yaxshi bolup kétishige guman bilen qaraydighanliqini bildürgen.

U mundaq dégen: kéler hepte xitayning iqtisadiy ehwali heqqide melumat chiqidighanliqi éniq, emma héchkim bu sanliq melumatlarning dégendek küchlük bolidighanliqigha ishinip ketmeydu. Ular sanliq melumatlarning chinliqidin guman qilishidu. Men xitayning bu patqaqtin qandaq chiqip kételishini bilelmidim.

Xewerde bashqa analizchilarning éytqanliridin neqil élip körsitishiche, xitayning iqtisadiy ösüsh süritide töwenlesh körülse bu xelq'ara bazargha selbiy tesir béridiken.

Bu hepte xitay paychek baziri yene töwenligen. Shuningdin bilen bu yil iyuldin buyanqi töwenlesh nisbiti 40 pirsentke yetken idi. Xitayning paychek baziri 4 künlük dem élishtin kéyin düshenbe küni échilidu. Halbuki, bazar ehwalining qandaq bolidighanliqi yenila bir so'aldur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet