Amérikaning xitayda turushluq sabiq bash elchisi: "Baydén hökümiti xitayning amérikagha reqib ikenlikini ésidin chiqarmasliqi kérek"

Muxbirimiz jewlan
2021-02-17
Share

Tramp hökümiti mezgilide amérikaning xitayda turushluq sabiq bash elchisi bolghan térri branstad 17-féwral CNN téléwiziyesining ziyaritini qobul qilip, özining amérika-xitay munasiwetlirige bolghan köz qarishi we jow baydénning xitay re'isi shi jinping bilen ötküzgen söhbitidin kéyin qilghan sözige bolghan pikrini otturigha qoyghan.

U mundaq dégen: "Xitayda bash elchi bolush qiyin hem riqabetke tolghan bir wezipe, chünki xitay amérikaning istratégiyelik reqibi. Yene kélip xitayda Uyghurlargha zulum sélish, xongkongluqlarni basturushtek kishilik hoquq jinayetliri yüz bérip kéliwatidu. Bu bek éghir mesile. Baydén hökümitimu buni tonup yetkendek qilidu."

U prézidént jow baydinning xitay re'isi shi jinping bilen ötküzgen söhbitidin kéyinki sözi heqqide toxtilip mundaq dégen: "Prézidént baydén héch bolmisa söz oyunini yaxshi oynawatidu. Emma bu riqabetke tolghan bir mesile. Biz xitay bilen bir ish qilghan chéghimizda bu riqabet nahayiti muhim orun'gha ötidu. Biz choqum jenubiy déngiz mesilisi, Uyghurlargha qiliniwatqan zulum yaki xongkong, teywen mesiliside bolsun, xitayning xata qilmishlirigha qet'iy qarshi turushimiz kérek."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet