Америка-хитай мунасивитиниң техиму “қизип” кетиши тәхмин қилинмақта

Мухбиримиз әзиз
2022-05-03
Share

Өткән йиллардин буян барғансери йириклишип меңиватқан америка-хитай мунасивитиниң бу йил яз кириши билән техиму “қизип” кетиши нөвәттә барғансери рошән болмақта икән.

Америка оқурмәнлириниң қизғин алқишиға еришип келиватқан “чәтәл сиясити” гезитиниң 2-майдики обзор мақалисида көрситилишичә, росийәниң украниаға таҗавуз қилишиға әгишип “йәттә дөләт башлиқлири” (G7) биринчи қетимлиқ иқтисадий имбарго чарилирини иҗра қилған. Нөвәттә буниң иккинчи басқучи иҗра қилиниш алдида туриватқан болуп, росийәгә қаритилған бу хил җаза узарғансери бу йәттә дөләтниң иттипақи техиму мустәһкәмлинип маңидикән. Буниң билән изчил түрдә бу хил иқтисадий җазани инкар қилип кәлгән хитай һөкүмити билән америка оттурисидики йириклик техиму күчийидикән.

Йәнә бир яқтин хитай һөкүмитигә қаритилған түрлүк имбарго чарилири америка тәмин етидиған юқури пән-техникиға еғир дәриҗидә қарашлиқ болуп қалған хитай үчүн техиму еғир зиянларни елип келидикән. “хуавей” гуруһиниң қисмити буниң бәкму типик мисали һесаплинидикән.

Тинч окян тәрәптин алғанда болса америка вә униң иттипақдашлириниң тәйвән мәсилисидики ортақ пикри түпәйлидин икки тәрәпниң һинди-тинч ‍окяндики сүркилиши техиму күчийиши мумкин икән. Йеқинда икки тәрәпниң соломон тақим араллири мәсилисидә ипадиләнгән мәйдани буниң типик инкаслиридин бири һесаплинидикән.

Аптор мушу әһвалларни омумлаштуруп “америка һөкүмити мәйли хитайға иқтисадий җәһәттин җаза қоллансун яки сиясий тәдбир қоллансун бу саһә йеқинда бәкла <қизип> қойидиғандәк қилиду” дәп хуласә чиқириду.  

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт