Amérika-xitay munasiwitining téximu “Qizip” kétishi texmin qilinmaqta

Muxbirimiz eziz
2022.05.03
Share on WhatsApp
Share on WhatsApp

Ötken yillardin buyan barghanséri yirikliship méngiwatqan amérika-xitay munasiwitining bu yil yaz kirishi bilen téximu “Qizip” kétishi nöwette barghanséri roshen bolmaqta iken.

Amérika oqurmenlirining qizghin alqishigha ériship kéliwatqan “Chet'el siyasiti” gézitining 2-maydiki obzor maqalisida körsitilishiche, rosiyening ukrani'agha tajawuz qilishigha egiship “Yette dölet bashliqliri” (G7) birinchi qétimliq iqtisadiy imbargo charilirini ijra qilghan. Nöwette buning ikkinchi basquchi ijra qilinish aldida turiwatqan bolup, rosiyege qaritilghan bu xil jaza uzarghanséri bu yette döletning ittipaqi téximu mustehkemlinip mangidiken. Buning bilen izchil türde bu xil iqtisadiy jazani inkar qilip kelgen xitay hökümiti bilen amérika otturisidiki yiriklik téximu küchiyidiken.

Yene bir yaqtin xitay hökümitige qaritilghan türlük imbargo chariliri amérika temin étidighan yuquri pen-téxnikigha éghir derijide qarashliq bolup qalghan xitay üchün téximu éghir ziyanlarni élip kélidiken. “Xu'awéy” guruhining qismiti buning bekmu tipik misali hésaplinidiken.

Tinch okyan tereptin alghanda bolsa amérika we uning ittipaqdashlirining teywen mesilisidiki ortaq pikri tüpeylidin ikki terepning hindi-tinch ‍okyandiki sürkilishi téximu küchiyishi mumkin iken. Yéqinda ikki terepning solomon taqim aralliri mesiliside ipadilen'gen meydani buning tipik inkasliridin biri hésaplinidiken.

Aptor mushu ehwallarni omumlashturup “Amérika hökümiti meyli xitaygha iqtisadiy jehettin jaza qollansun yaki siyasiy tedbir qollansun bu sahe yéqinda bekla <qizip> qoyidighandek qilidu” dep xulase chiqiridu.  

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet