Америка сода вәкили: «пиланимиз хитайниң иқтисадий системисиға чеқилиш әмәс, бәлки базирини ечиш»

Мухбиримиз шөһрәт һошур
2018-05-02
Елхәт
Пикир
Share
Принт

Хәлқара хәвәрләрдин мәлум болушичә, америка-хитай сода талаш-тартишини музакирә қилиш үчүн икки тәрәпниң алақидар алий рәһбәрлири бейҗиңда икки күнлүк сөһбәт елип баридикән.

Сөһбәткә америка тәрәптин президент доналд трампниң сода ишлири вәкили роберт литизәр, малийә министири стевин мунчин, ақсарайниң сода мәслиһәтчиси петер наварролар иштирак қилидикән. Хитай тәрәптин болса ши җинпиңниң иқтисадий ишлар мәслиһәтчиси, хитайниң муавин баш министири лю хе қатнишидикән.

Литизәр түнүгүн мухбирларға қилған сөзидә «пиланимиз хитайниң иқтисадий системисини өзгәртиш әмәс, пәқәт базирини дуняға ечиш» дегән.

Хитай ташқи ишлар министирлиқиниң баянатчиси хуа чүнйиң бүгүнки баянатида хитайниң өз дәрвазисини башқиларниң көңлини дәп ечип бәрмәйдиғанлиқини, мәҗбурлашқа ечип беришиниңму өтмүшкә айланғанлиқини әскәрткән. Әмма у йәнә америка вәкиллириниң бу нөвәт яхши бир нийәт билән кәлгәнлики, мәсилә дәрһал һәл болуп кәтмигән тәқдирдиму, бу сөһбәтниң мәсилиниң һәл болушида иҗабий рол ойнайдиғанлиқини тилға алған.

Хәвәрләрдә дейилишичә, икки тәрәп сода җедилидә ши җинпиң арқисиға чекингәндин кейин, доналд трамп хитайниң америка машинилириға базирини ачидиғанлиқтәк бир қатар вәдилиригә иҗабий баһа бәргән. Әмма бәзи көзәткүчиләр, хитайниң ялған вәдиләр билән қарши тәрәпни алдайдиғанлиқини вә вақитни қолға кәлтүрмәкчи болуватқанлиқи һәққидә трамп һөкүмитини агаһландурған иди.

Мәлум болушичә, икки тәрәпниң мәзкур сөһбити пәйшәнбә вә җүмә күнлири давам қилидикән.

Пикирләр (0)
Share
Толуқ бәт