خىتاي، «ئامېرىكا تىجارەت تېررورلۇقى قىلىۋاتىدۇ»، دەپ قاقشىغان

مۇخبىرىمىز ئىرادە
2019-05-30
Share

خىتاي ئامېرىكانى «تىجارەت تېررورلۇقى» قىلىش بىلەن ئەيىبلىگەن. CNN نىڭ خەۋەر قىلىشىچە، خىتاي تاشقى ئىشلار مىنىستىرلىقىنىڭ باياناتچىسى لۇكاڭ پەيشەنبە كۈنىدىكى سۆزىدە ئامېرىكا ھۆكۈمىتىنىڭ ئۆز دۆلىتى ۋە شۇنداقلا باشقا دۆلەتلەر ئىقتىسادىغا ئېغىر زىيان سېلىۋاتقانلىقىنى ئىلگىرى سۈرۈپ: «ئامېرىكا ھۆكۈمىتى تىجارەت تېررورلۇقى قىلىۋاتىدۇ. ئامېرىكانىڭ قىلغىنى تىپىك ئىقتىسادىي زومىگەرلىك ۋە بىر تەرەپلىمىلىك» دەپ قاقشىغان.

CNN نىڭ ئېيتىشىچە، خىتاي بىلەن ئامېرىكا ئوتتۇرىسىدىكى سودا ئىختىلاپى كۈچىيىشى بىلەن خىتاي ھۆكۈمىتى ۋە ئۇنىڭ ئاخباراتلىرى بىردەك، ئامېرىكاغا قاراتقان «سۆز ئۇرۇشى» نى كۈچلەندۈرگەنىكەن.

مەلۇم بولۇشىچە، خىتاينىڭ «خەلق گېزىتى»، «مەركىزى خەلق تېلېۋىزىيەسى» قاتارلىق خەۋەر ئورگانلىرى ھەدەپ «خىتاي ھەرگىزمۇ ئامېرىكاغا بويۇن ئەگمەيدۇ، ئامېرىكا چوتنى خاتا سوقتى» دېگەندەك خەۋەرلەرنى ئېلان قىلىش بىلەن ئالدىراش بولۇپ كەتكەن.

15-ماي كۈنى، ئامېرىكا پرېزىدېنتى دونالد ترامپ خىتاينىڭ خۇاۋېي، خەيكاڭ قاتارلىق زور تېخنىكا شىركەتلىرىنى ئېغىر زەربىگە ئۇچرىتىدىغانلىقى مۆلچەرلىنىۋاتقان بىر قارارغا ئىمزا قويغانىدى. بۇ قارار، ئامېرىكادىكى شىركەتلەرنىڭ خىتايغا مۇھىم كومپيۇتېر دېتاللىرىنى سېتىپ بېرىشىنى چەكلەشنى ئۆز ئىچىگە ئالىدىغان بولۇپ، بۇ ئېھتىماللىق خىتاينى قاتتىق بىئارام قىلغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت