Хитай, «америка тиҗарәт террорлуқи қиливатиду», дәп қақшиған

Мухбиримиз ирадә
2019-05-30
Елхәт
Пикир
Share
Принт

Хитай американи «тиҗарәт террорлуқи» қилиш билән әйиблигән. CNN Ниң хәвәр қилишичә, хитай ташқи ишлар министирлиқиниң баянатчиси лукаң пәйшәнбә күнидики сөзидә америка һөкүмитиниң өз дөлити вә шундақла башқа дөләтләр иқтисадиға еғир зиян селиватқанлиқини илгири сүрүп: «америка һөкүмити тиҗарәт террорлуқи қиливатиду. Американиң қилғини типик иқтисадий зомигәрлик вә бир тәрәплимилик» дәп қақшиған.

CNN Ниң ейтишичә, хитай билән америка оттурисидики сода ихтилапи күчийиши билән хитай һөкүмити вә униң ахбаратлири бирдәк, америкаға қаратқан «сөз уруши» ни күчләндүргәникән.

Мәлум болушичә, хитайниң «хәлқ гезити», «мәркизи хәлқ телевизийәси» қатарлиқ хәвәр органлири һәдәп «хитай һәргизму америкаға боюн әгмәйду, америка чотни хата соқти» дегәндәк хәвәрләрни елан қилиш билән алдираш болуп кәткән.

15-Май күни, америка президенти доналд трамп хитайниң хуавей, хәйкаң қатарлиқ зор техника ширкәтлирини еғир зәрбигә учритидиғанлиқи мөлчәрлиниватқан бир қарарға имза қойғаниди. Бу қарар, америкадики ширкәтләрниң хитайға муһим компютер деталлирини сетип беришини чәкләшни өз ичигә алидиған болуп, бу еһтималлиқ хитайни қаттиқ биарам қилған.

Пикирләр (0)
Share
Толуқ бәт