Xitay, "Amérika tijaret térrorluqi qiliwatidu", dep qaqshighan

Muxbirimiz irade
2019-05-30
Élxet
Pikir
Share
Print

Xitay amérikani "Tijaret térrorluqi" qilish bilen eyibligen. CNN Ning xewer qilishiche, xitay tashqi ishlar ministirliqining bayanatchisi lukang peyshenbe künidiki sözide amérika hökümitining öz döliti we shundaqla bashqa döletler iqtisadigha éghir ziyan séliwatqanliqini ilgiri sürüp: "Amérika hökümiti tijaret térrorluqi qiliwatidu. Amérikaning qilghini tipik iqtisadiy zomigerlik we bir tereplimilik" dep qaqshighan.

CNN Ning éytishiche, xitay bilen amérika otturisidiki soda ixtilapi küchiyishi bilen xitay hökümiti we uning axbaratliri birdek, amérikagha qaratqan "Söz urushi" ni küchlendürgeniken.

Melum bolushiche, xitayning "Xelq géziti", "Merkizi xelq téléwiziyesi" qatarliq xewer organliri hedep "Xitay hergizmu amérikagha boyun egmeydu, amérika chotni xata soqti" dégendek xewerlerni élan qilish bilen aldirash bolup ketken.

15-May küni, amérika prézidénti donald tramp xitayning xu'awéy, xeykang qatarliq zor téxnika shirketlirini éghir zerbige uchritidighanliqi mölcherliniwatqan bir qarargha imza qoyghanidi. Bu qarar, amérikadiki shirketlerning xitaygha muhim kompyutér détallirini sétip bérishini chekleshni öz ichige alidighan bolup, bu éhtimalliq xitayni qattiq bi'aram qilghan.

Toluq bet