Mutexessisler: "A q sh hökümiti xitay sewebidin dunya soda teshkilatini bikar qiliwétishi mumkin!"

Muxbirimiz eziz
2018-06-28
Share

Amérika bilen xitay otturisidiki soda söhbitide qatmalliq dawam qiliwatqanda sabiq amérika diplomatliri "Xitay hökümiti peyda qilghan nechche tirilyon dollarliq mesile sewebidin amérika hökümiti dunya soda teshkilatini bikar qiliwétishi mumkin," dédi.

Amérikidiki eng chong gézitlerdin bolghan "Soda chembiriki" ning 28-iyundiki bash maqaliside éytilishiche, aq saray ötkenki hujum basquchida xitayni soda qa'idilirige ri'aye qilghan asasta soda qilishqa ündigen bolsa, emdi dunya soda teshkilatini bikar qilish arqiliq "Soda urushi" din biraqla xaliy bolushqa mayil bolmaqta iken.

Melum bolushiche, aq saray ijra qilidighanliqini tekitlewatqan 200 milyard amérika dolliriliq tamozhna béji xitayning amérikigha éksport qilidighan towarlirining yérimigha toghra kélidiken.

Eger xitay buningdin "Qisas" almaqchi bolsa, u chaghda ular amérikining xitaygha éksport qilghan barliq mallirigha shundaq qilishi zörür bolidiken. Dunya soda teshkilatining mutexessisi xosuk lé bu heqte toxtilip, "Eger ish u derijige barsa u halda amérika xitayni dunya soda teshkilatidin qoghlap chiqiriptu, dések bolidu. Emma bundaq qilish amérika üchün héchqanche ish emes," dégen.

Maqalida körsitilishiche, nöwette yawropa we yaponiye ular ortaq duch kéliwatqan "Xitay mesilisi" ni hel qilish üchün birlikte bash qaturmaqta iken. Mutexessislerning körsitishiche, donald tramp 200 milyard dollarliq tamozhna béji mesilisini ottura basquchluq saylam mezgilide élan qilishi mumkin iken. Bu tolimu eqilge uyghun bolup, amérika, yaponiye we yawropa ittipaqi xitayning 11 tirilyon amérika dolliriliq ichki ishlepchiqirish omumi qimmiti we döletning biwasite qollishida boluwatqan iqtisadiy quwwitining ayaghlishishini isteydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.