Amérika yene 200 milyard dollarliq xitay éksport mehsulatigha baj qoyidighanliqini bildürdi

Muxbirimiz erkin
2018-07-11
Élxet
Pikir
Share
Print

Amérika bilen xitay otturisidiki soda urushi qizishqa bashlidi. Amérika hökümiti xitayning yene 200 milyard dollarliq éksport mehsulatigha tamozhna béji qoyush pilanini élan qildi.

Birleshme agéntliqining xewer qilishiche, amérika soda soda wekili ishxanisi seyshenbe küni xitayning qimmiti 200 milyard dollarliq 6031 xil mehsulatigha 10% baj qoyush pilanini otturigha qoyghan. Amérika ötken jüme küni 34 milyard dollarliq xitay éksport mehsulatigha 25% baj qoyushqa bashlighan idi.

Prézidénti tramp buningdin bir kün awwal eger xitay öch élish tedbiri qollansa, 200 milyard dollarliq xitay mehsulatigha, arqidin yene 300 milyard dollarliq xitay mehsulatigha baj qoyidighanliqini bildürgen idi.

Birleshme agéntliqining xewiride ashkarilishiche, amérika soda wekili ishxanisi 200 milyard dollarliq xitay mehsulatigha baj qoyush pilanini amérika jama'itining pikir bildürüshige sun'ghan. Amérika hökümitining bir emeldari birleshme agéntliqigha bergen uchurida, 31-awghust küni mezkur pilanni ijra qilish-qilmasliqni qarar qilishtin burun guwahliq bérish yighinlirini chaqiridighanliqini bildürgen.

Birleshme agéntliqining xewiride neqil keltürülüshiche, mezkur pilan xitayning 34 milyard dollarliq amérika tamozhna béjigha qayturghan inkasigha qarita otturigha qoyulghan iken.

Xitay hökümiti amérikining 34 milyard dollarliq tamozhna béjigha qarita öch élish tedbiri qollinip, amérikining qimmiti oxshash miqdardiki éksport mehsulatigha baj qoyghanliqini jakarlighan idi.

Toluq bet